 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
«Назад!» – шалеюць санавітыя.
Назад! У чортаў калаўрот!..
А вы, наскрозь таленавітыя,–
Чаму ня чуе вас народ?
Дзе ваша слова палымянае?
Чаму ня б’еце вы ў званы?
Мо’ не для нас ярмо зламанае
Рыхтуюць зноў «апекуны»?
Вы што – ня бачыце, як душыцца,
Як гіне мова наша ўсьцяж?
Чаму ж ня ўспыхне, не ўзварушыцца
Ваш дух, ваш розум, гонар ваш?
Вы што там трэнькаеце ў зацішку?
Якую цягнеце курну?
Вам люба біць паклоны бацюшку,
Што блаславіць нас у труну?
Не, вы – ня музаў слугі вольныя,
Чым суцяшаеце сябе,
Вы – патулякі завугольныя.
Вам толькі страх душу скрабе.
Ну, што ж, туляйцеся! Ды ведайце:
Халуйскім зіркам з-за вугла
Пагоні вольнай вы ня згледзіце.
За чым? За кіпцямі арла.
1992
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
